Barkadahan sa Eskwelahan (Dagli: Eskwelahan)

Barkadahan sa Eskwelahan 

(Dagli: Eskwelahan)

                        Walang tao ang kayang mabuhay ng mag-isa. Lahat tayo ay kailangan ng kaibigan o kabarkada. Isa ka na sa masusuwerteng tao kung meron kang isa o higit pang mga totoong kaibigan o kabarkada. Sabi nga nila mas marami mas masaya kaya kapag konti lang kayo malamang malungkot kaya hahanap pa kayo ng mga bagong tao sa eskwelahan na kakabarkadahin. Madalas makahanap ng mga bagong kaibigan o kabarkada sa eskwelahan, kung saan parehas kayong estudyante na dapat magpakahirap sa pag-aaral at kung saan madalas kayong magkita. Sa tuwing papasok, mga kabarkada ang una mong lalapitan at kakausapin at ganun din naman sila, sila ang unang mga taong babati sa'yo. Masaya ang bawat isa sa tuwing sama-sama ang barkada sa eskwelahan. Konting asaran, konting biruan, konting tawanan, pero maya-maya pag nalamang may takdang-aralin malamang ay kopyahan na siyang nangangahulugan na tunay ngang sa barkadahan walang iwanan at laglagan. Minsan hindi nawawala ang tampuhan ngunit pag nalampasan ay siya namang lalong nagpapatibay sa samahan. Maganda talaga kung may kabarkada ka. Maraming mga magagandang bagay ang pwedeng idulot nila sa'yo pero hindi rin naman nawawala ang mga may masasamang intensiyon na ang gusto lamang ay isama ka sa madilim na mundo kung saan masisira ang iyong buhay at kinabukasan kaya ang dapat mong gawin ay piliin mo rin ang iyong mga kakabarkadahin at maging mabuting ehemplo ka sa kanila kung saan sila ang hahatakin mo pataas sa mabuting landas kaysa sumunod sa kanila sa madilim nilang mundo.